------------------------------------------------------------------------------------------

جستجوی این وبلاگ

در حال بارکردن…

ه‍.ش. ۱۳۹۴ دی ۲۶, شنبه

عشوه گری طالبان با امریکا

طالبانو له امریکایانو غوښتي چې د هلمند په جګړه کې برخه وانخلي.


تاند- راپورونه وايي چې وسله والو طالبانو په هلمند ولایت کې په وروستیو کې درنو تلفاتو وروسته په یوه اعلامیه کې د هلمند په جګړو کې د ايتلافي ځواکونو رول وغانده.

طالبانو په خپله خبرپاڼه کې خبرداری ورکړی چې د هلمند ولایت په جګړه کې د ايتلافي ځواکونه مداخله د سولې پروسه منحرفولی شي. طالبانو دا اعلامیه وروسته له دې خپره کړې چې راپورونه وايي افغان امنیتي ځواکونو په هلمند ولایت کې د جګړې ابتکار په لاس کې اخیستی او له یو شمېر سیمو څخه یې طالبان په څټ کړي دی.

راپورونه وايي چې په وروستیو دوو ورځو کې د هلمند په جګړو کې نژدې ۱۰۰ وسله وال طالبان وژل شوي یا ټپیان شوي دي.

طالبانو په خپله اعلامیه کې د روانې جګړې په لړ کې د بري اعلان کړی او ویلي یې دي، طالبان د امریکایانو په شمول هیچا ته ګواښ نه دي، ورسره د دښمنۍ نیت نه لري او د خپلې خاورې له دفاع پرته له چا سره جګړه نه کوي.

د طالبانو په اعلامیه کې وړاندې راغلي:«د افغانانو لپاره له اسلامي نظامه پرته بل نظام د منلو نه دی. لنډه دا چې د اشغال خاتمه او د اسلامي نظام جوړېدا هم سوله ده او هم حللار.»

د تېر میلادي کال له پیله امریکا او نورو ايتلافي ځواکونو یې د جګړې په میدان کې د افغان ځواکونو ملاتړ بس کړی دی. طالبان، چې د بهرنیو ځواکونو له هوايي حملو زیات تاوان لیده، د هوايي حملو له بس کېدو څخه په استفاده په ۲۰۱۵ کال کې په ډېرو سیمو کې جبهه يي جګړې پیل کړې. خو ویل کېږي چې د امریکا جنګي الوتکو او هیلي کوپترو د کندوز او هلمند په جګړو کې سره له دې چې په محدوده پیمانه برخه اخیستې خو طالبانو ته یې سخت تلفات اړولي دي.