------------------------------------------------------------------------------------------

جستجوی این وبلاگ

در حال بارکردن…

ه‍.ش. ۱۳۹۵ فروردین ۱۸, چهارشنبه

پاکستان مدعی شد که یک فرد استخباراتی حکومت کابل را دستگیر کرده است.

این خبر از سوی مرجع اطلاع رسانی «تاند» به نقل از «دی نیوز» پاکستان منتشر شد.


تاند- پاکستان ادعا کوي چې ډیورند کرښې ته نژدې په بلوچستان ایالت کې یې د افغانستان د استخباراتو یو مامور نیولی دی.

«دي نیوز» ورځپاڼې د پاکستاني چارواکو په قول لیکلي چې د پاکستان امنیتي ادارو دغه افغان استخباراتي مامور په چمن کې نیولی دی.

تر دې مخکې پاکستان ادعا کړې وه چې په بلوچستان کې یې د هند د استخباراتو یو مامور نیولی دی.

وروسته پاکستاني چارواکو وویل چې هندی جاسوس د ایران له چاه بهاره ورغلی و.

د پاکستان د سرحدي ځواک ویندوی ویلي چې افغان استخباراتي مامور د چمن په بوغره نومې سیمه کې نیول شوی دی.

دي نیوز د اکثرو نورو پاکستاني رسنیو په شان نه د سرحدي ځواکونو د ویاند نوم یاد کړی او نه یې د افغان د نیولو د نېټې په اړه څه ویلي دي.

په خبر کې د سرحدي ځواکونو د ویندوی په قول ویل شوي چې نیول شوی کس د نورو تحقیقاتو لپاره کوټې ته بېول شوی دی.

دغه ویندوی همداراز ادعا کړې چې سرحدي ځواک د نیول شوي کس د معلوماتو پر اساس د چمن ښار په لمنه کې په یوه کور کې ډېره اندازه وسله هم نیولې ده.

په خبر کې دغه راز ادعا شوې ده چې دغه افغان استخباراتي مامور د لویې حملې پلان درلود.

پاکستان د دغه افغان مامور د نیولو ادعا وروسته له دې کوي چې د افغانستان د ملي امنیت سرپرست پاکستان د افغان طالبانو د ملاتړ پر دوام تورن کړ او د کورنیو چارو وزارت ویندوی وویل چې پاکستان لا هم افغانستان ته وسله وال طالبان او وسلې رالېږي.